| "Brief aan God" van SARINA DO"NGES [boodskap #8239] |
Tue, 28 January 1997 00:00 |
Izak Bouwer
Boodskappe: 463
Geregistreer: January 1996
Karma: 0
|
Senior Lid |
|
|
BRIEF AAN GOD
Sarina Dönges
liewe God
Pierrot en ek drink vanaand
Chivas Regal en Mozart met ys
en fyngekapte melancholie
buite het die bome
te diep in die bottel gekyk,
die maan lê papperig, ge-
hangmat tussen sterre
die nag het die blues
en op die laupunkt
vra Duval na die sin
van die bisarre aardse spel.
stiltes raas dinge oop God
"miskien moes donker blou gewees het",
sê ek vir Pierrot. wonder:
is U ook 'n nar, 'n soort sot,
briljante akteur wat 3 rolle speel
of is U U en wie is U
en is U? en wie kan
die babelaas bome troos
en wie kan die maan
weer regop laat staan
en wie gaan Melancholie se begrafnis reël?
ag liewe God
kom lê tog een nag, nugter
besoek af by my en Pierrot.
(gepos deur gloudina bouwer)
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
